更年期，會周身痛？😥

最近睇咗2個痛症病人，治療效果都唔理想。

病人A👧🏾來睇右肩痛，診斷為肩周炎💪，按肩周炎醫左幾次，病人痛少咗，活動能力改善咗些少。（本身疼痛、活動受限都唔算犀利）病人複診時話：“痛又唔係點痛，硬係仲有少少講唔出點既唔舒服”，“除咗右肩，頸膊都有D，右邊腳踝🦶又有D。”

病人B👧🏼來睇右腕痛，診斷為三角軟骨損傷✋，治療後都係有改善，但又硬係有種莫名既唔舒服。

留意到病人既年齡都係40+，於是我就問：“你停左月經未？”果不其然！病人A已停經2年❗ 病人B則3個月未來經❗

之所以問病人月經，係因為考慮2位病人既症狀表現都唔係典型既筋骨問題，應該同內在身體因素關係較密切。

於是果斷加上中藥🌿內服治療，病人A👧🏾再次複診時話明顯好過之前，想再調理下。病人B👧🏼則要待下次複診時先知效果，相信都應會有好結果。