「風濕」=/=「風濕病」？🤔

每當我同病人講👨⚕️：“你可能有啲風濕wor!”

好多病人第一時間既反應係👨：“吓！！咁大鑊！？

呢個時候我就會不厭其煩地，一次又一次同病人解釋咩叫做「風濕」。

好多人會將「風濕」、「風濕病」、「類風濕性關節炎」、「痛風」、「強直性脊柱炎」等病混淆。一提「風濕」就諗到「人肉天文台」、「關節畸形」、「唔郁得」、「不死的絕症」🧟‍♂️等等。

其實當我地講「風濕」，好多時候指既係關節既慢性疼痛或炎症，而唔係指任何特定既病。可以係「肩周炎」，可以係「陳舊性踝扭傷」，可以係「膝關節炎」諸如此類既疾病，都可以話係「風濕」。所帶出既重點係，相關既問題容易出現反復，容易受氣候、環境變化又或者勞累等因素影響而加重，可以治愈但難以「斷尾」。

當我地探討「風濕病」既時候，「風濕」、「風濕病」、「風濕症」其實都係同樣意思，都係泛指免疫系統問題引起既關節、結締組織炎症病變。「類風濕性關節炎」、「強直性脊柱炎」、「紅斑狼瘡」等等都屬於「風濕病」範疇。呢啲疾病就比較棘手，除咗症狀更多更嚴重之外，治療既效果往往都強差人意。

P.S.（我地之後會有專門既篇章講解「類風濕性關節炎」、「強直性脊柱炎」、「紅斑狼瘡」呢幾個相對較為常見既「風濕病」。）